Сарыағаш ауданы соңғы жылдары әлеуметтік және инфрақұрылымдық даму қарқынын күшейтіп, тұрғындардың өмір сүру сапасын арттыруға бағытталған бірқатар жобаларды жүзеге асырып келеді. Қазіргі таңда ауданның ауылдық округтерінде әлеуметтік маңызы бар нысандардың құрылысы белсенді жүріп жатыр. Бұл – өңірдің әлеуметтік-экономикалық әлеуетін арттырып, халықтың тұрмыс деңгейін жақсартуға бағытталған нақты қадамдардың бірі. Жемісті ауылдық округіне қарасты Тың елді мекенінде тұрғындар үшін аса маңызды жобалардың бірі – шағын стадион мен балалар ойын алаңшасының құрылысы басталды. Бұл нысандардың салынуы ауыл тұрғындары, әсіресе балалар мен жасөспірімдердің бос уақытын тиімді өткізуіне және салауатты өмір салтын қалыптастыруына зор мүмкіндік береді. Жобаны жүзеге асыру мақсатында барлық қажетті жобалық-сметалық құжаттама дайындалып, құрылыс жұмыстарын жүргізуші мердігер мекеме ретінде “Dara 2025” ЖШС-і бекітілген. Бүгінде құрылыс жұмыстары жоспарға сай қарқынды жүргізілуде. Жаңа спорттық және ойын алаңшаларының салынуы – ауылдық жерлердің әлеуметтік бейнесін жақсартып, тұрғындарға қолайлы орта қалыптастыруға бағытталған бастама. Мұндай нысандардың бой көтеруі елді мекендердің инфрақұрылымдық дамуына серпін беріп қана қоймай, ауыл жастарының спортпен айналысуға, денсаулығын нығайтуға деген ынтасын арттырады. Сонымен қатар, бұл жоба ауылдың жалпы көркін жақсартып, балаларға қауіпсіз әрі сапалы демалыс орнын қалыптастырады. Сарыағаш ауданында соңғы уақытта әлеуметтік бағыттағы нысандардың қатары айтарлықтай артып келеді. Балалар алаңшалары, спорттық кешендер, денсаулық сақтау және мәдениет нысандарының құрылысы – ауданның әлеуметтік дамуындағы маңызды басымдықтардың бірі. Бұл өз кезегінде ауданның экономикалық өсіміне де оң әсер етіп отыр. Өйткені мұндай жобалар құрылыс саласында жаңа жұмыс орындарын ашып, жергілікті кәсіпкерлер мен мердігерлердің белсенділігін арттырады. Жалпы, Сарыағаш ауданында жүзеге асырылып жатқан әлеуметтік жобалар халықтың өмір сапасын жақсартуға, ауылдар мен кенттердің келбетін жаңғыртуға және тұрғындардың тұрмыс деңгейін көтеруге бағытталған. Осындай игі бастамалар ауданның тұрақты дамуының кепілі болып, өңірдің болашағына жаңа серпін береді.
Әлемге көзқарасыңды өзгертетін Janalyqtar!
