2025 жылғы 13 қаңтарда Италияда Дүниежүзілік қысқы Универсиада басталады. Оған Қазақстан құрамасының 103 өкілі қатысады.
ҚР Туризм және спорт министрлігінің ақпаратынша, біздің спортшылар Италияда спорттың 10 түрі бойынша өнер көрсетеді: биатлон, шорт-трек, шаңғы жарысы, мәнерлеп сырғанау, қысқы спорттық бағдарлау, фристайл, тау шаңғысы спорты, сондай-ақ бағдарламаға алғаш рет енген ерлер, әйелдер хоккейі және жұп шаңғы жарысы.
Ойындардың салтанатты ашылу рәсімі 13 қаңтарда Inalpi Arena (Турин) қаласында өтеді, басталуы – Астана уақыты бойынша 23:30-да. Жабылу 23 қаңтарда сағат 23.00-ге жоспарланған.
Халықаралық университеттік спорт федерациясының (FISU) кестесіне сәйкес кейбір спорт түрлерінен жарыстар 11 қаңтарда басталады.
Бұған дейін Анастасия Городконың фристайл-могулдан жасөспірімдер арасындағы әлем чемпионатында күміс медальға ие болғаны хабарланған болатын.
Оаококоовоаал