Шымкент қаласы қазіргі таңда еліміздің ғана емес, Орталық Азия өңірінің де инвестициялық картасында маңызды орынға ие болып отыр. Қалаға әлемнің көптеген мемлекеттері қызығушылық танытып, халықаралық бизнес және өндірістік жобаларды іске асыру үшін тиімді алаң ретінде қарайды. Шымкенттің инвестициялық тартымдылығы, инфрақұрылымның дамуы, еңбек ресурстарының молдығы – қаланы бизнесті дамыту мен өнеркәсіптік өндірісті кеңейту үшін тартымды етеді. Қалада инвесторларға барлық қажетті жағдай жасалған. Инженерлік инфрақұрылымы бар индустриалды аймақтар, дайын өндірістік алаңдар мен жер телімдері, көлік және логистика саласының қолжетімділігі – бұл бизнес жүргізу үшін маңызды артықшылықтар болып отыр. Сонымен қатар, мемлекет тарапынан ұсынылатын қолдау тетіктері, жеңілдетілген әкімшілік рәсімдер мен инвестициялық жеңілдіктер кәсіпкерлік климатты қолайлы етеді. Шымкент қаласының инвестициялық саясатында «Shymkent Invest – Front Office» қызметінің рөлі ерекше. Бұл компания «бір терезе» қағидаты бойынша инвесторларды жобаны іске асырудың барлық кезеңінде сүйемелдейді: бастапқы кеңестер беруден бастап, өндірістік инфрақұрылыммен қамтамасыз етуге және әкімшілік қолдауға дейінгі қызметтер толықтай көрсетіледі. Осылайша, инвесторлар жобаны жүзеге асыру барысында уақытты үнемдеп, ресурстарын тиімді пайдалана алады. Қаладағы инвестициялық климаттың тиімділігін растайтын тағы бір көрсеткіш – жергілікті кәсіпкерлердің табысты мысалдары. Жаңадан кәсіп ашқан немесе өз ісін кеңейтуде отырған кәсіпкерлер Шымкенттің бизнес үшін ашық, қолайлы қала екенін дәлелдейді. Индустриалды аймақтарда іске қосылған заманауи өндірістер мен инновациялық кәсіпорындар қала экономикасын әртараптандыруға, қосымша құн құруға және жаңа жұмыс орындарын ашуға септігін тигізуде. Сонымен қатар, Шымкенттің экономикалық дамуы мен аумақтық стратегиясына сәйкес қалада өнеркәсіптік инфрақұрылым кеңейіп, логистикалық хаб ретінде рөлі күшейіп келеді. Инвестициялық жобалардың іске асуы жергілікті экономиканы қолдап қана қоймай, әлеуметтік әл-ауқатты арттыруға да ықпал етеді. Жаңа кәсіпорындар мен өндіріс орындары жастар мен әйелдерге жұмысқа орналасу мүмкіндігін беріп, тұрақты табыс көзін қамтамасыз етеді. Шымкент қаласы тек қана индустриалды даму көрсеткіштерін арттырып қана қоймай, инвестициялық ахуалды жақсартып, экономикалық әртараптандыруға үлес қосатын аймаққа айналып отыр. Инвесторлар үшін тартымды жағдайлар, инфрақұрылымдық дайындық, қолайлы әкімшілік рәсімдер және қолдау тетіктері Шымкентті Орталық Азиядағы бизнес пен өндіріс үшін стратегиялық маңызды қалаға айналдырып отыр.
Әлемге көзқарасыңды өзгертетін Janalyqtar!
