Қаратау ауданында Мемлекет басшысының тапсырмаларын және Қаржылық мониторинг агенттігі төрағасының өкілетті нұсқауларын орындау мақсатында «Интернеттегі цифрлық қақпандар: өзіңді қалай қорғау керек?» және «Дипфейктер мен жаңа қауіп-қатерлер» тақырыптарында арнайы ақпараттық сабақ өткізілді. Бұл шара қала тұрғындарының сандық сауаттылығын арттыруға, интернеттегі қауіп-қатерлерден қорғау деңгейін күшейтуге және қауіпсіз цифрлық қоғам қалыптастыруға бағытталған маңызды бастамалардың бірі болып табылады. Сабаққа Экономикалық тергеп-тексеру департаментінің арнайы дайындалған лекторлары қатысып, интернет алаяқтықтың әртүрлі түрлері, жеке деректерді қорғау әдістері, әлеуметтік желілерде қауіпсіз әрекет ету жолдары, сондай-ақ заманауи цифрлық қауіптер мен олардан қорғану тәсілдері туралы жан-жақты түсіндірді. Қатысушылар интерактивті форматтағы онлайн-квесттер, конкурстар және тәжірибелік тапсырмалар арқылы өз дағдыларын шыңдап, алынған теориялық білімді тәжірибелік іс-әрекетпен бекітті. Мұндай тәжірибе тұрғындарға интернеттегі тәуекелдерді алдын ала анықтауға, алаяқтық әрекеттерге қарсы дұрыс шешім қабылдауға мүмкіндік береді. Бұл бастама «Цифрлы Қазақстан» мемлекеттік бағдарламасының шеңберінде жүзеге асырылып отыр. Бағдарламаның негізгі мақсаты – Қазақстан азаматтарының цифрлық сауаттылығын арттыру, сандық платформаларды қауіпсіз пайдалану мәдениетін қалыптастыру және интернеттегі алаяқтықтан қорғау деңгейін көтеру. Сонымен қатар, бұл шара мемлекеттің стратегиялық міндеттерінің бірі – тұрғындарды заманауи ақпараттық қоғамда қауіпсіздік талаптарын сақтау арқылы цифрлық кеңістікте қорғау саясатын тиімді жүзеге асыруға үлес қосатынын көрсетеді. Сабақ барысында алынған практикалық білімдер тұрғындарға онлайн-қызметтерді қауіпсіз пайдалану, әлеуметтік желілерде жеке ақпаратты қорғау, құпия мәліметтерді сақтап қалу және цифрлық алаяқтыққа қарсы тиімді әрекет ету дағдыларын қалыптастыруға мүмкіндік берді. Сонымен қатар, ақпараттық сабақ қатысушыларға интернетте кездесетін жаңа технологиялық қауіптер, дипфейктердің ерекшеліктері, жасанды интеллект құралдарының қауіпсіздігі мәселелері және жеке деректерді қорғаудың заманауи әдістері туралы кең ауқымды білім берді.
Әлемге көзқарасыңды өзгертетін Janalyqtar!
