Сарыағаш ауданында әлеуметтік инфрақұрылымды жаңарту және халықтың өмір сапасын арттыру бағытындағы жұмыстар жүйелі түрде жалғасуда. Бұл бағыттағы ірі жобалардың бірі – Мемлекет басшысы Қасым-Жомарт Тоқаевтың бастамасымен қолға алынған «Келешек мектептері» ұлттық жобасы. Аталған бағдарлама аясында Сарыағаш қаласына қарасты Б.Оспанов көшесінде 300 орындық жаңа заманауи білім ордасының құрылысы қарқынды жүріп жатыр. Аудан әкімі Арман Абдуллаев нысанға арнайы барып, құрылыс барысын саралап, жұмыстардың сапасы мен мерзіміне баса назар аударды. Қазіргі таңда мектеп ғимаратында ішкі әрлеу, абаттандыру және құрал-жабдықтарды орнату жұмыстары жүргізілуде. Жобаның тапсырыс берушісі – «Samruk–Kazyna Construction» АҚ, ал мердігер – «А-Спецстрой» ЖШС. «Келешек мектептері» ұлттық жобасы – тек әлеуметтік саладағы бастама ғана емес, сонымен қатар аймақтық экономиканы әртараптандыруға бағытталған кешенді қадам. Себебі, жаңа мектептердің салынуы құрылыс, өндіріс және қызмет көрсету секторларындағы кәсіпорындарға нақты серпін береді. Мәселен, жобаны жүзеге асыру барысында қазақстандық құрылыс материалдары мен отандық өнім өндірушілердің үлесі артты. Бұл өз кезегінде ішкі нарықтағы отандық өндірістің сапасын көтеріп, инвестициялық ағынды күшейтуге ықпал етеді. Сарыағаш ауданының географиялық орналасуы – шекара маңындағы экономикалық және әлеуметтік байланыстарды дамытудың маңызды факторы. Мұнда салынып жатқан жаңа мектептер мен инфрақұрылым нысандары өңірдің интеллектуалдық және адами капиталын нығайтып, ұзақ мерзімді экономикалық өсімге жол ашады. Жаңа мектеп – тек білім беру мекемесі ғана емес, ол жергілікті кәсіпкерліктің дамуына, жұмыс орындарының ашылуына және қоғамдық инфрақұрылымның кеңеюіне ықпал ететін маңызды жоба. Сарыағаш ауданының географиялық орналасуы – шекара маңындағы экономикалық және әлеуметтік байланыстарды дамытудың маңызды факторы. Мұнда салынып жатқан жаңа мектептер мен инфрақұрылым нысандары өңірдің интеллектуалдық және адами капиталын нығайтып, ұзақ мерзімді экономикалық өсімге жол ашады. Жаңа мектеп – тек білім беру мекемесі ғана емес, ол жергілікті кәсіпкерліктің дамуына, жұмыс орындарының ашылуына және қоғамдық инфрақұрылымның кеңеюіне ықпал ететін маңызды жоба. Жоба толық іске қосылған соң, жаңа мектепте заманауи оқу кабинеттері, зертханалар, спорт және акт залы, кітапхана мен ІТ-бөлмелер жұмыс істейді. Бұл – ауыл мен қала мектептері арасындағы сапалық теңсіздікті азайтып, білім берудің жаңа стандарттарын енгізуге бағытталған нақты қадам.
Әлемге көзқарасыңды өзгертетін Janalyqtar!
