Түркістан облысы 2025 жылдың қорытындысы бойынша әлеуметтік-экономикалық даму көрсеткіштері бойынша республикада көшбасшы өңірлердің бірі болып танылды. Мемлекет басшысының тапсырмасына сәйкес өңірде жүйелі әрі кешенді жұмыстар жүргізіліп, негізгі макроэкономикалық индикаторлардың оң динамикасы байқалды. Соңғы 11 айдың қорытындысы бойынша облыстың қысқа мерзімді экономикалық өсімі 114,4%-ды құрап, Түркістан облысы еліміздегі үздік үштік қатарында тұр.
Облыстың әлеуметтік-экономикалық даму барысын жүйелі түрде талқылау мақсатында Түркістан облысы әкімінің орынбасары Қанат Қайыпбектің төрағалығымен арнайы мәжіліс өткізілді. Кездесуге басқарма басшылары, аудан және қала әкімдері қатысып, 2025 жылдың қорытындысы мен межеленген макроэкономикалық көрсеткіштердің орындалуы қаралды.
Мәжілісте облыс әкімінің орынбасары Қанат Қайыпбек басқарма басшылары мен аудан, қала әкімдеріне барлық жоспарлы көрсеткіштерге толық қол жеткізу міндетін жүктеді. Сонымен қатар, тиісті мәліметтердің статистика органдарына уақытылы және толық берілуін қадағалау тапсырылды. Бұл шаралар облыстың әлеуметтік-экономикалық дамуын нақты деректер негізінде басқаруға мүмкіндік береді.
Облыс экономикасының тұрақты өсуіне қол жеткізу үшін түрлі бағыттар бойынша ауқымды жұмыстар жүргізілуде. Соның ішінде:
Индустриалды және шағын өндірістік парктердің құрылысын жеделдету, жаңа өндіріс орындарын ашу арқылы инвестиция тарту.
Агроөндірістік кешендерді дамыту және заманауи ауыл шаруашылығы технологияларын енгізу.
Туризм, мәдениет және қызмет көрсету салаларын дамыту арқылы аймақтың экономикалық әртараптандырылуын қамтамасыз ету.
Инфрақұрылымды жаңғырту және адами капиталды нығайту арқылы экономикалық өсім мен тұрақтылықты қамтамасыз ету.
Облыста жоспарланған макроэкономикалық көрсеткіштерге қол жеткізу бойынша жұмыстар тұрақты бақылауда. Қанат Қайыпбектің айтуынша, 2026 жылға Түркістан облысының әлеуметтік-экономикалық дамуын қамтамасыз ету үшін нақты міндеттер бекітілген, олар: экономиканы әртараптандыру, өндіріс орындарын көбейту, жұмыс орындарын ашу және жергілікті бюджеттің кірісін ұлғайту.
Түркістан облысы 2025 жылға арналған әлеуметтік-экономикалық көрсеткіштер бойынша нақты нәтижелерге қол жеткізіп, республикадағы ең ірі және перспективалы экономикалық өңірлердің біріне айналды. Жүйелі жоспарлар мен тиімді мемлекеттік қолдау шараларының арқасында өңірдің тұрақты экономикалық дамуы және әлеуметтік әл-ауқаты одан әрі нығая бермек.
